နိုင်ငံတကာပွဲစဉ်တွေအပြီး အာဆင်နယ်နှင့် ပွဲမတိုင် ဒဏ်ရာရ ကစားသမား များပြားနေတဲ့ မန်စီးတီး
12:38 PM, 29 March
ပရီးမီးယားလိဂ်ဆုဖလားပြိုင်ဆိုင်မှုက ပိုမိုပြင်းထန်လာပြီး ဂွါဒီယိုလာနှင့် မန်စီးတီးတို့ဟာ အာဆင်နယ်ပွဲကို အဓိက ကစားသမား ၇ ဦး မပါဝင်ဘဲ ရင်ဆိုင်ရတော့မှာဖြစ်ပါတယ်။ နိုင်ငံတကာပွဲစဉ်များအပြီးမှာတော့ လီဗာပူး၊ အာဆင်နယ်နှင့် မန်စီးတီးတို့ကြားက ပရီးမီးယားလိဂ်ဆုဖလားပြိုင်ဆိုင်မှုက ပြန်လည်စတင်လာပြီဖြစ်ပြီး ဂွါဒီယိုလာရဲ့အသင်းမှာ ကြီးမားတဲ့အားနည်းချက်ရှိနေတာလည်းဖြစ်ပါတယ်။
မက်သီးယက်စ်နူနက်စ်၊ အကန်ဂျီ၊ စတုန်းနှင့် ဝေါ်ကာတို့ဟာ နိုင်ငံ့အသင်းများအတွက် ကစားပေးရင်း ဒဏ်ရာ ရရှိခဲ့တာကြောင့် အက်ဒီဆင်၊ ဒီဘရိုင်း၊ ဂရီးလစ်ချ်တို့နှင့်အတူ ဒဏ်ရာရ စာရင်းထဲသို့ ရောက်ရှိသွားပြီဖြစ်ပါတယ်။ ဝေါ်ကာဟာ အာတီတာရဲ့အသင်းနှင့် ယှဉ်ပြိုင်မယ့် ပွဲအတွက် ပါဝင်ဖို့ မသေချာနေတာဖြစ်ပါတယ်လို့ Daily Mail က ဖော်ပြထားပါတယ်။ ဒါပေမဲ့ စတုန်းနှင့်အတူ ကလပ်သို့ ပြန်ရောက်ချိန်မှာတော့ ဓာတ်မှန်ရိုက်မှု ပြုလုပ်သွားမှာဖြစ်ပါတယ်။
မန်ချက်စတာအခြေစိုက်ကလပ်ဟာ အက်ဒီဆင်၊ ဒီဘရိုင်းနှင့် ဂရီးလစ်ချ်တို့ရဲ့ အခြေအနေကိုလည်း စောင့်ကြည့်နေရတာဖြစ်ပါတယ်လို့ သတင်းတွေက ဖော်ပြထားပါတယ်။ အာတီတာနှင့် အာဆင်နယ်မှာလည်း ဒဏ်ရာပြဿနာအသီးသီးရှိနေတာဖြစ်ပြီး ဆာကာ၊ ဂါဘရီရယ်တို့ကလည်း နိုင်ငံ့လက်ရွေးစင်အသင်းမှ နှုတ်ထွက်ခဲ့ကြတာဖြစ်ပါတယ်။ ဒါကြောင့် အဆိုပါ ကစားသမား ၂ ဦးနှင့် ပတ်သက်ပြီး စပိန်နိုင်ငံသားနည်းပြက ဆုံးဖြတ်ချက်ချရတော့မှာဖြစ်ပါတယ်။
အာဆင်နယ်နှင့်ပွဲ နီးကပ်လာသည်နှင့်အမျှ မန်စီးတီးဟာ အသင်းရဲ့ပွဲထွက်လူစာရင်းနှင့် ပတ်သက်ပြီး အမြန်ဆုံး ဆုံးဖြတ်ချက် ချရတော့မှာဖြစ်ပါတယ်။