မစ်ဂျေလန်ကို ရှုံးနိမ့်ပြီးကတည်းက ပိုင်ရှင် မာရီနာကစ်နဲ့ စကားမပြောရသေးကြောင်း ဝန်ခံလိုက်တဲ့ ပိုစတီကိုဂလူ
နော်တင်ဟမ် ဖောရက်စ် ပရိသတ်တွေဟာ စီးတီး ဂရောင်းမှာ ယူရိုပါလိဂ် ရှုံးပွဲအပြီး ‘မနက်ကျရင် မင်း အလုပ်ထုတ်ခံရတော့မယ်’ လို့ သီချင်းဆိုကြွေးကြော်ခဲ့ကြသလို အခု ဝက်စ်ဟမ်းကို ရောက်နေတဲ့ နည်းပြဟောင်း နူနို အက်စပီရီတို ဆန်းတို့ရဲ့ နာမည်ကိုပါ သီချင်းဆိုခဲ့ကြပါတယ်။
ပိုင်ရှင် မာရီနာကစ်ဟာ ပွဲကြည့်စင်ပေါ်ကနေ စွမ်းဆောင်ရည်ကို မကျေနပ်တဲ့ပုံ ပေါ်ခဲ့ပါတယ်။ တော့တင်ဟမ်နည်းပြဟောင်း ပိုစတီကိုဂလူ အရှေ့မစ်ဒ်လန်းကို ရောက်တာ သုံးပတ်ကျော်လေးပဲ ရှိသေးပေမယ့် မနက်ဖြန် နယူးကာဆယ် ယူနိုက်တက်နဲ့ပွဲက သူ့ရဲ့ ရေရှည်အနာဂတ်ကို ဆုံးဖြတ်ပေးတော့မှာ ဖြစ်ပါတယ်။
ပိုစတီကိုဂလူက “ကြာသပတေးနေ့ကတော့ ကျွန်တော်တို့ စကားမပြောခဲ့ကြဘူးဆိုတာ မှန်ပါတယ်။ နှစ်ယောက်စလုံး စကားပြောဖို့ စိတ်ထဲမှာ မရှိကြပါဘူး။ ဒါပေမယ့် တခြားပွဲတချို့ပြီးတော့ ကျွန်တော် သူ့ကို တွေ့ခဲ့ရပါတယ် သူက သူ့အသင်း နိုင်တာကို လိုချင်ပါတယ်”
“ဒါကြောင့် သူ့ရဲ့ မှတ်ချက်က မင်းကို ဘယ်လို ကူညီပေးရမလဲ ဆိုတာပဲ ဖြစ်ပါတယ်။ သိဖို့ လိုအပ်တာ အဲဒါပါပဲ။ သူ ကူညီချင်ပါတယ်။ ကျွန်တော်ကတော့ လက်ရှိအခြေအနေကို သူ ပျော်ရွှင်လိမ့်မယ်လို့ မမျှော်လင့်ပါဘူး၊ ကျွန်တော်လည်း မပျော်ပါဘူး”
“ဒါကြောင့် ဒီအမြင်အရတော့ ရှင်းရှင်းလင်းလင်း နားလည်မှုရှိပါတယ်။ ဒါပေမယ့် အမှန်တရားကတော့ ဘယ်သူမှ လုပ်နိုင်တာ အနည်းငယ်သာ ရှိပါတယ်။ ဒါက ကျွန်တော့်လက်ထဲမှာပဲ ရှိပါတယ်” လို့ ပြောပါတဘ်။
သို့သော်လည်း သူဟာ ပရိသတ်တွေကို သတင်းစကား ပေးပို့ခြင်း မလုပ်ဘူးလို့ ဆက်လက် ပြောပါတယ်။ ဘာလို့လဲဆိုတော့ သူဟာ ရလဒ်တွေနဲ့ အကဲဖြတ်ခံရမယ်ဆိုတာကို သူ သိထားလို့ပါပဲ။
နည်းပြက “ကျွန်တော် ဘယ်သူ့ကိုမှ စည်းရုံးဖို့ မလိုအပ်ပါဘူး။ ကျွန်တော် ဘောလုံးပွဲတွေ နိုင်ဖို့ လိုအပ်ပါတယ်။ အဲဒါက ကျွန်တော့်ရဲ့ အခန်းကဏ္ဍပါပဲ။ သူတို့ ကျွန်တော့်ကို ဘယ်တော့မှ မခင်မင်နိုင်ဘူး။ ကျွန်တော် ဒီပဟေဠိထဲ ဘယ်လို နေရာယူမလဲဆိုတာက တချို့လူတွေရဲ့ အမြင်မှာ ကျွန်တော်က မှန်ကန်တဲ့သူ မဟုတ်ဘူး ဖြစ်ကောင်းဖြစ်နိုင်ပါတယ်”
“ဒါက အဆင်ပြေပါတယ်။ လူတိုင်းက သင့်ကို ချစ်ရမယ်ဆိုတဲ့ ကမ္ဘာမျိုးမှာ နေစရာမလိုဘူးလို့ ကျွန်တော်တို့ မယုံကြည်ပါဘူး။ ကျွန်တော် ပရိသတ်တွေကို သတင်းစကား ပေးပို့တာကို မကြိုက်ပါဘူး။ သူတို့ သူတို့ရဲ့ ဘောလုံးကလပ်ကို ချစ်ကြပါတယ်”
“လက်ရှိ အခြေအနေတွေနဲ့ ပတ်သက်လို့ ကျွန်တော်တို့ စိတ်ပျက်မိတာ ထင်ရှားပါတယ်။ ဒါပေမယ့် ကျွန်တော် အသင်းကို လမ်းကြောင်းပြောင်းဖို့ ကူညီပေးရပါမယ်။ အဲဒါကို ကျွန်တော်တို့ လုပ်နိုင်ရင် ပရိသတ်တွေ အားလုံးက ပိုပြီး ပျော်ရွှင်လာမယ်လို့ ကျွန်တော် ယုံကြည်ပါတယ်” လို့ ထပ်ပြောပါတယ်။
ပရိသတ်တွေရဲ့ တုံ့ပြန်မှုဟာ တရားမျှတပါသလားလို့ မေးတဲ့အခါ ပိုစတီကိုဂလူက ကစားသမားတွေနဲ့ အလုပ်လုပ်ဖို့ တစ်လတောင် မရှိသေးဘူး၊ သူတို့ဟာ စနစ်အသစ်နဲ့ နေသားကျအောင် လုပ်နေရတယ်လို့ ထောက်ပြခဲ့ပါတယ်။
ဖောရက်စ်နည်းပြက “ကျွန်တော်တို့ ခုချိန်မှာ မသေချာမရေရာမှုကြောင့် ဂိမ်းတစ်ခုလုံးကို မကိုင်တွယ်နိုင်သေးတဲ့ ကာလတစ်ခုကို ဖြတ်သန်းနေရပါတယ်။ အများကြီး ပြောင်းလဲသွားခဲ့ပါတယ်”
“ဒါက တရားမျှတလား။ တရားမျှတဘူးလို့ ကျွန်တော် ပြောရင် လူတွေက ကျွန်တော် မပျော်ဘူးလို့ အဓိပ္ပာယ်ဖွင့်ဆိုပါလိမ့်မယ်။ တစ်လဆိုတဲ့ အချိန်က အရာတစ်ခုကို စီရင်ဆုံးဖြတ်ဖို့ လုံလောက်တယ်လို့ လူတွေက ထင်ရင် ကျွန်တော် ဘာပြောနိုင်မလဲ”
“ပြီးတော့ သင်က ဒီကာလဟာ ဘေးအန္တရာယ်ပဲ၊ ပွဲတိုင်းက လုံးဝ ဆိုးရွားနေတယ်လို့ ကျွန်တော့်ကို ပြောမယ်ဆိုရင် ကျွန်တော် ပြောစရာ ဘာမှ မရှိပါဘူး။ ဘာလို့လဲဆိုတော့ ဒါက အမှန်တရားလို့ ကျွန်တော် မထင်လို့ပါပဲ”
“ကျွန်တော် အမှန်တရားနဲ့ အခြေအနေကို ကိုင်တွယ်ဖြေရှင်းပါတယ်။ ဒါက ကျွန်တော်တို့ တိုးတက်မှုတချို့ကို မြင်တွေ့ခဲ့ရတယ်ဆိုတဲ့ အမှန်တရားပါ။ ကျွန်တော်တို့ ရှုံးခဲ့ရတဲ့ပွဲအများစုကို အနိုင်ရပြီး ဒီမှာ ထိုင်နေနိုင်ရင် လူတွေက ကျွန်တော့်အပေါ် မတူညီတဲ့ ထင်မြင်ချက်တွေ ရှိနိုင်ပါတယ်”
“အဲဒါက ကျွန်တော့်ဘဝခရီးကို လမ်းပြခွင့် ပေးမှာ မဟုတ်ပါဘူး” လို့ ဆိုပါတယ်။
ပိုစတီကိုဂလူက ဖောရက်စ်ကို မှန်ကန်တဲ့ လမ်းကြောင်းပေါ် ပြန်ရောက်အောင် လုပ်ရမယ့် အလုပ်ကို လက်လျှော့မှာ မဟုတ်ဘူးလို့ ပြောပါတယ်။
ပရိသတ်တွေကို သူ့ဘက် ပါလာစေမယ့် တစ်ခုတည်းသော နည်းလမ်းက အနိုင်ပွဲတွေ စတင် ရယူဖို့ဆိုတာကို သူ သိပါတယ်။ ဒါပေမယ့် သူဟာ ခြောက်ပွဲမှာ အဲဒါကို မလုပ်နိုင်သေးပါဘူး။ ဒါဟာ နှစ်တစ်ရာအတွင်း ဖောရက်စ်နည်းပြတွေထဲမှာ အဆိုးရွားဆုံး စတင်မှုပါ။
ပိုစတီကိုဂလူက “ဒါက ကျွန်တော့် ကစားသမားဘဝမှာ အမြဲတမ်း ရှိနေခဲ့တဲ့ အရာပါ။ ကျွန်တော် နှစ် ၃၀ လုံး နံရံနဲ့ ကျောချင်းကပ်နေခဲ့ရပါတယ်။ ဒါက အခြေအနေရဲ့ သဘောသဘာဝပါပဲ ပြီးတော့ ကျွန်တော် ဒီလိုတိုက်ပွဲကို သဘောကျပါတယ်”
“ဒီအရာတွေ အများစုက ကျွန်တော့်အတွက် မစိမ်းပါဘူး။ ကျွန်တော် မကြာခဏဆိုသလို ခက်ခဲပြီး မသက်မသာဖြစ်တဲ့ အစပြုမှုတွေ ရှိခဲ့ဖူးပါတယ်၊ ဒါပေမယ့် အဲဒီ ဇာတ်လမ်းတွေ အားလုံးဟာ ကောင်းကောင်း အဆုံးသတ်ခဲ့ပါတယ်” လို့ ယုံကြည်ချက်ရှိစွာ ပြောခဲ့ပါတယ်။
