အသက် ၂၉ နှစ်အရွယ် ဂျက် ဂရီးလစ်ရှ်ကို ပြီးခဲ့တဲ့လက ပက်ဂွါဒီယိုလာ က မန်စီးတီး ရဲ့ ကလပ်ကမ္ဘာ့ဖလား လူစာရင်းကနေ ချန်လှပ်ခဲ့ပြီးနောက် ဒီနွေရာသီမှာ အသင်းသစ် ရှာဖွေခွင့် ပြုခဲ့ပါတယ်။

ဂရီးလစ်ရှ်ဟာ မန်စီးတီးရဲ့ ကလပ်ကမ္ဘာ့ဖလား ပြိုင်ပွဲ ကာလအတွင်း ဂရိ မှာ အားလပ်ရက် အနားယူနေခဲ့ပေမဲ့ အခုတော့ ယူကေ ကို ပြန်ရောက်နေပြီဖြစ်ပြီး ဟီလန်ပါ့ခ် မှာ ကျင်းပတဲ့ Oasis ရဲ့ ဖျော်ဖြေပွဲကို တက်ရောက်ခဲ့ပါတယ်။

ကွင်းလယ်လူဟာ ဖျော်ဖြေပွဲမှာ မန်စီးတီးပရိသတ်တွေနဲ့ ဓာတ်ပုံတွေ ရိုက်ကူးခဲ့ပြီး ပရိသတ်တစ်ဦးကို "ညီလေး၊ ငါ ဘာထက်မဆို မန်စီးတီးကို ပိုချစ်တယ်ကွာ" လို့ ပြောနေတာကို ဗီဒီယိုရိုက်ကူးထားတာ တွေ့ရပါတယ်။

"ပြီးတော့ ဘာထက်မဆို ငါပိုချစ်တာက မန်စီးတီးပရိသတ်တွေပဲ။ ညီလေး၊ သူတို့က ကမ္ဘာ့အကောင်းဆုံး ပရိသတ်တွေပဲ" လို့ ပြောခဲ့ပါတယ်။ မန်စီးတီးက ၂၀၂၁ ခုနှစ်မှာ အက်စတွန်ဗီလာ ကနေ ပေါင် သန်း ၁၀၀ နဲ့ ခေါ်ယူခဲ့တဲ့ ဂရီးလစ်ရှ်ဟာ ဂွါဒီယိုလာနဲ့အတူ VIP နေရာမှာ ရှိနေခဲ့ပေမဲ့ နှစ်ဦးသား အပြန်အလှန် စကားပြောဆိုတာတော့ မရှိခဲ့ပါဘူး။

"ဂျက်နဲ့ ပက်တို့ဟာ Oasis ဖျော်ဖြေပွဲရဲ့ VIP နေရာတူမှာ ရပ်နေခဲ့ကြပေမဲ့ နေရာရဲ့ တစ်ဖက်စီ အစွန်မှာပါ" 

"ဂျက်ကတော့ အပြည့်အဝ စိတ်အားထက်သန်နေပြီး သီချင်းတိုင်းကို အော်ဆိုနေခဲ့ပါတယ်။ ပက်ကတော့ မိသားစုကို ပိုအာရုံစိုက်ပုံရပါတယ်။ သူတို့နှစ်ဦး အချင်းချင်း စကားပြောဆိုတာတော့ မရှိခဲ့ပါဘူး၊ အနည်းဆုံးတော့ လူသိရှင်ကြားတော့ မရှိခဲ့ပါဘူး။ ဒါပေမဲ့ နှစ်ဦးစလုံး ပျော်စရာညတစ်ညကို ပိုင်ဆိုင်ခဲ့ကြပါတယ်" လို့ The Mirror ကို မျက်မြင်သက်သေတစ်ဦးက ပြောပါတယ်။

ပြီးခဲ့တဲ့လက ဂွါဒီယိုလာက ဂရီးလစ်ရှ်ကို ဘောလုံးကစားခြင်းအပေါ် သူ့ရဲ့ ချစ်ခြင်းမေတ္တာကို ပြန်လည်ရှာဖွေဖို့ လိုအပ်ကြောင်း ပြောကြားခဲ့ပါတယ်။ ဘာလို့လဲဆိုတော့ သူဟာ ပြီးခဲ့တဲ့ရာသီ ပရီးမီးယားလိဂ်မှာ ၇ ပွဲပဲ ပွဲထွက်ကစားခဲ့ရလို့ပါ။

"သူနဲ့ ကလပ်တို့အကြား စကားပြောဆိုမှုတွေ ရှိခဲ့ပြီး မနေခဲ့တာ အကောင်းဆုံးလို့ သူတို့ ဆုံးဖြတ်ခဲ့ကြတာပါ"

"ဂျက်က ထူးချွန်တဲ့ ကစားသမားပါ။ သူ ပြီးခဲ့တဲ့ရာသီမှာ မကစားခဲ့ရတဲ့ တစ်ခုတည်းသော အကြောင်းရင်းကတော့ ကျွန်တော့်ရဲ့ ဆုံးဖြတ်ချက်တွေကြောင့်ပါပဲ။ သူကစားရမယ်လို့ ကျွန်တော်တို့ ဆုံးဖြတ်ခဲ့ပါတယ်။ ကလပ်က ရိုးသားခဲ့တယ် သူလည်း ရိုးသားခဲ့ပါတယ်"

"ပြီးခဲ့တဲ့ ရာသီနှစ်ခုမှာ သူ ကစားချိန် သိပ်မရခဲ့ပါဘူး။ သူ ပြန်ကစားရမယ်၊ သူ့ဗိုက်ထဲမှာ လိပ်ပြာလေးတွေ ပျံသန်းနေသလိုမျိုး ခံစားရပြီး သုံးရက်တစ်ကြိမ်၊ သုံးရက်တစ်ကြိမ် ကစားနိုင်ဖို့၊ သူ့မှာရှိတဲ့ အရည်အသွေးကို ထပ်ပြီး ပြသဖို့ လိုအပ်ပါတယ်" လို့ ဂွါဒီယိုလာက ပြောပါတယ်။