ဂိုးသမား မာရဲရိုးကို စာချုပ်သစ် ချုပ်ဆိုနိုင်ခဲ့တဲ့ ရီးရဲလ်ဆိုစီဒက်
ရီးရဲလ်ဆိုစီဒက်အသင်းဟာ သူတို့ရဲ့ ဂိုးသမား အူနိုင်း မာရဲရိုးကို စာချုပ်သက်တမ်းတိုးမြှင့်လိုက်ပြီဖြစ်ကြောင်း ကြေညာခဲ့ပါတယ်။ ဒီဂိုးသမားဟာ ဆိုစီဒက်အသင်းနဲ့ ၂၀၃၀ ပြည့်နှစ်အထိ အတူရှိနေဖို့ စာချုပ်ချုပ်ဆိုခဲ့တာ ဖြစ်ပါတယ်။
မာရဲရိုးရဲ့ အရင်စာချုပ်သက်တမ်းဟာ ၂၀၂၇ ခုနှစ်အထိသာ ဖြစ်ပေမဲ့ သူဟာ ဒေသခံကစားသမားတစ်ဦး ဖြစ်တာကြောင့် အခုလို အသင်းမှာ ဆက်ရှိနေဖို့ ဆုံးဖြတ်လိုက်တာဟာ ပိုပြီးတော့ အဓိပ္ပာယ်ရှိစေပါတယ်။
သူဟာ ဆိုစီဒက်အသင်းကြီးအတွက် စုစုပေါင်း ၁၇ ပွဲ ကစားပေးထားပြီး အဲဒီအထဲမှာ ကိုပါဒယ်ရေးဖလားပြိုင်ပွဲ ၁၀ ပွဲ၊ လာလီဂါ ၄ ပွဲနဲ့ ယူရိုပါလိဂ် ၃ ပွဲ ပါဝင်ပါတယ်။
အသက် ၂၄ နှစ်အရွယ်ရှိပြီဖြစ်တဲ့ မာရဲရိုးဟာ ဆိုစီဒက်ရဲ့ လူငယ်အကယ်ဒမီကနေ အဆင့်ဆင့် တက်လှမ်းလာသူဖြစ်ပြီး လက်ရှိမှာတော့ အသင်းရဲ့ ပထမဂိုးသမား အဲလက်စ် ရီမီရိုရဲ့ နောက်ကွယ်က အားထားရဆုံး ဒုတိယဂိုးသမားအဖြစ် ရှိနေပါတယ်။
